Mańǵystaýda 20 myńǵa jýyq áıel bala kútimine baılanysty járdemaqy alady

AQTAÝ. QazAqparat - Mańǵystaýda 19 626 áıel bala kútimine baılanysty járdemaqy alady. Al 2022 jyly týǵan 15 myńnan astam anaǵa tólem merzimi 1,5 jasqa deıin uzartyldy, dep habarlaıdy QazAqparat tilshisi.

2022 jyly árbir bosanǵan áıelge tólem uzartyldy. Máselen, óńirde 15 myńnan astam járdemaqy alýshyǵa tólem merzimi 1,5 jasqa deıin ósti.

«2023 jyldyń 1 qańtarynan bastap bala kútimine baılanysty járdemaqy tóleý 1, 5 jylǵa ósti. Mańǵystaý boıynsha 25 mlrd teńgedeı áleýmettik tólemder jasalsa, sonyń 15 mlrd teńgesi júktilik jáne bosanýǵa baılanysty, al 10 mlrd teńge bala kútimine baılanysty tólenip otyr», - dedi «Memlekettik áleýmettik saqtandyrý qory» Mańǵystaý oblystyq fılıalynyń dırektory Ótegen Úrkimbaev.

Tólemderdi qaıta esepteý, arttyrý jáne uzartý avtomattandyrylǵan rejımde júrgiziledi.