Mańǵystaýda 19 myńnan astam adam ekpe aldy

AQTAÝ. QazAqparat - Mańǵystaýda koronavırýsqa qarsy ekpe alǵan adamdardyń jalpy sany 19 517 adamdy qurady, dep habarlaıdy QazAqparat tilshisi.

Mańǵystaý oblystyq densaýlyq saqtaý basqarmasy baspasóz qyzmetiniń habarlaýynsha, 25 sáýirde 440 adam vaktsınanyń І komponentimen egilgen. Atap aıtqanda, «Neıron» medıtsınalyq klınıkasynda-35, Munaıly ortalyq aýdandyq aýrýhanasynda-85, Mańǵystaý aýdandyq ortalyq aýrýhanasynda-10, Túpqaraǵan ortalyq aýdandyq aýrýhanasynda-10, №1 Aqtaý qalalyq emhanasynda-50, №2 Aqtaý qalalyq emhanasynda-170, №2 jáne №3 Jańaózen qalalyq emhanalarynda-55, «Medıker Kaspıı» medıtsınalyq klınıkasynda-25.

Vaktsınanyń ІІ komponentimen barlyǵy 240 adam egildi. «Neıron» medıtsınalyq klınıkasynda-50, Munaıly ortalyq aýdandyq aýrýhanasynda-15, Túpqaraǵan ortalyq aýdandyq aýrýhanasynda-15, №1 Aqtaý qalalyq emhanasynda-75, №2 Aqtaý qalalyq emhanasynda-30, Mańǵystaý aýdandyq ortalyq aýrýhanasynda-30, Beıneý aýdandyq ortalyq aýrýhanasynda-25.

Osylaısha, oblys boıynsha vaktsınatsııalaý bastalǵaly І komponentpen egilgenderdiń jalpy sany 19 517 adamdy qurady.

ІІ komponentpen 2947 adam egildi.

Kez-kelgen turǵyn ózi turatyn aýdanǵa qaramastan, egý kabınetiniń kez-kelgeninde ekpe jasaı alady. Vaktsınatsııa dárigerdiń aldyn ala medıtsınalyq tekserýinen keıin ǵana júrgiziledi. Protsedýra tegin.

Búginde oblys boıynsha ekpe salý kabınetteriniń sany 32-ge jetti.

Aıta keteıik, buǵan deıin Aqtaýdaǵy teńiz jaǵalaýynda kóshpeli vaktsınatsııa pýnkti ashylǵanyn jazǵan edik.