Mańǵystaýda 18 mas júrgizýshi ustaldy

AQTAÝ. QazAqparat - Mańǵystaýda 4 kúnde mas kúıinde kólik júrgizgen 17 júrgizýshi ustaldy. Onyń bireýi júrgizýshi kýáliginen aıyrylǵanyna qaramastan ekinshi ret rólge otyrǵan, dep habarlaıdy QazAqparat.

Mańǵystaý oblysy Polıtsııa departamentiniń bastyǵy Janarbek Baqtybaevtyń aıtýynsha, óńirde mas kúıinde kólik júrgizgen júrgizýshiler jol-kólik oqıǵasyna sebepker bolýda. Máselen, Aqtaý qalasynda patrýldik polıtsııa 21-24 qarasha aralyǵynda 681 ákimshilik hattama toltyrdy

«Kólikti mas kúıinde júrgizgen 18 júrgizýshiniń materıaly mamandandyrylǵan ákimshilik sotqa jiberiledi. 125-ten astam júrgizýshi qaýipsizdik beldigin taqpaǵan. 8 júrgizýshi joldyń qarama-qarsy bóligine shyǵyp ketken. Al, tyıym salynǵan jerden ótken jaıaý júrginshilerge 105 ákimshilik hattama toltyrylǵan. Kún saıyn Aqtaý qalasynyń patrýldik polıtsııa batalonynyń qyzmetkerleri aýysymǵa túsedi. Birinshi kezekte olarǵa tabeldik qarý men arnaıy quraldar beriledi. Osydan keıin jeke quramǵa qosylyp, arnaıy beketterge barady.», - dedi J. Baqtybaev.