Mańǵystaýda 170 azamat alıment tóleýden jaltaryp júr
AQTAÝ. QazAqparat - Perzentine alıment tóleýden jaltaryp júrgen óńirde 170-ke jýyq azamat bar. Olarǵa qatysty májbúrlep oryndatý sharalarynyń birneshe túri qoldanylýda,-dep habarlaıdy Qazaqparat tilshisi.
Bul týraly oblystyq ádilet departamentiniń mamandary óńirlik kommýnıkatsııalar alańynda málimdedi.
ıAǵnı, 118 boryshker ákimshilik jaýapkershilikke tartylsa, qylmystyq jaýapkershilikke tartý jóninde quqyq qorǵaý organdaryna 134 usynys engizilgen.
«Sot oryndaýshylar óndirisinde qazir toǵyz myńnan astam alıment tólemderin óndirý qujaty bar. Alty myńdaıy boryshkerlerdiń jalaqysynan óndirilip jatsa, taǵy 2830 boryshker erikti túrde tóleýde. 101 júrgizýshi kýálikteriniń qoldanysy ýaqytsha toqtatyldy. Alıment tóleýden jaltaryp júrgen barlyq boryshkerlerge QR aýmaǵynan shyǵýǵa ýaqytsha shekteý qoıyldy», - deıdi oblystyq Ádilet departamenti basshysynyń orynbasary Áýes Kóshkinbaeva.
Sot oryndaýshysynyń osyndaı sharalaryna qaramastan boryshkerden alıment óndirý múmkin bolmaıtyn kezderi de bolady. Mysaly, ol azamat jumyssyz ne bolmasa turaqty tabys kózi jáne menshiginde múlki joq jaǵdaıda.
Atalǵan sanattaǵy atqarý qujattarynyń áleýmettik mańyzdylyǵyn eskere otyryp, departamenttiń úılestirýimen jumyspen qamtý ortalyǵy arqyly ótken jyly 69 boryshker jumysqa ornalastyrylsa, bıyl 16 adam jumyspen qamtyldy.
