Mańǵystaýda 16 jastaǵy jasóspirim sýǵa batyp ketti
Oqys oqıǵa 1 maýsymda saǵat 16:50 shamasynda oryn alǵan.
«Túpqaraǵan aýdany Aqshuqyr aýylynda arnaıy jabdyqtalmaǵan teńiz aýmaǵynda shomylǵan 2007 jylǵy jasóspirim sýǵa batyp ketkeni týraly habarlama kelip tústi. Saǵat 19:05-te qutqarýshylar kelgenge deıin týystary sýǵa batqan jigittiń denesin alyp shyqty»,- dedi Túpqaraǵan aýdany Tótenshe jaǵdaılar bóliminiń bastyǵy Joldybek Bısenbekov.
Al Aqtaýda turǵyndar teńizden 17 jastaǵy eki jasóspirimdi qutqaryp qaldy. Olar da tyıym salynǵan aýmaqta sýǵa túsken.
Oqys oqıǵadan keıin balalar oblystyq aýrýhanaǵa jetkizilgen.
«Balalardyń biri travmatologııa bólimine jetkizildi. Ekinshisi tekserýden keıin úıge jiberildi. Jaǵdaıy qalypty», - dep málim etti Mańǵystaý oblystyq Densaýlyq saqtaý basqarmasynyń baspasóz qyzmetinen.