Mańǵystaýda 147 mektepte alǵashqy qońyraý soǵyldy

Bilim kúni barlyq Mańǵystaý oblysynyń bilim berý uıymdarynda «Men-óz elimniń patrıotymyn» taqyrybynda ashyq sabaqtar uıymdastyryldy.

Sondaı-aq, búgin QR Prezıdentiniń «Bolashaqqa baǵdar: rýhanı jańǵyrý» maqalasynda qoıylǵan mindetterdi oryndaý aıasynda, Aqtaý qalasynyń №5 orta mektebine HH ǵasyrdaǵy kórnekti memleket qaıratkeri, lıngvıst, jazýshy Nurtas Ońdasynovtyń esimi berilip, músinshi, professor, Memlekettik syılyqtyń ıegeri - Esken Amanjoluly Sirgebaevtyń syıǵa tartqan músini jáne uly tulǵaǵa arnalǵan mektep mýzeıi ashyldy.

Saltanatty jıynǵa Mańǵystaý oblysynyń ákimi Eraly Toǵjanov, Máskeý, Astana, Almaty, Shymkent, Túrkistan qalalarynan kelgen qonaqtar, sonyń ishinde ǵalym, N.Ońdasynovty zertteýshi Qanat Eńsepov, Nurtas Ońdasynov týraly úsh kitaptyń avtory Gúlsim Orazalıeva jýrnalıst-jazýshy, qoǵam qaıratkeri, zań ǵylymdarynyń doktory, professor, sot júıesiniń ardageri Beket Turǵaraev, Nurtas Ondasynovtyń nemereleri men týystary, el aǵalary men aımaq ardagerleri jáne t.b. qatysty.

Nurtas Ondasynov sanaly ǵumyrynda halqyna aıanbaı qyzmet etti. QazaqKSR Úkimetiniń tóraǵasy, Qazaq SSR Joǵary Soveti Prezıdıýmynyń tóraǵasy, Qazaqstan Kompartııasy Gýrev oblystyq komıtetiniń birinshi hatshysy qyzmetterin atqardy. Sanaly ǵumyrynyń 25 jyl ómirin partııa qyzmetine arnady. Hrýşev zamanynda Qazaqstandy bólshekteý saıasatyna qarsy turdy. Salynǵan tyıymǵa qaramastan Mańǵystaý munaıyn ashqan kórnekti ǵalym, qoǵam qaıratkeri, zeınetke shyqqannan keıin úsh tomdyq arabsha-parsysha-qazaqsha túsindirme sózdikter jazǵan.

« Elbasymyz «Rýhanı jańǵyrý» baǵdarlamasynda týǵan jerin túletken, Atamekeniniń ósip-órkendeýine at salysqan tarıhı tulǵalardyń taǵdaryna basty nazardy aýdardy. Olardy bilimdi urpaqqa tálim-tárbıeniń kózi etip kórsetti. Aqparat zamanynda olardyń esimderi bizderdiń rýhanı qazynamyz bolsyn dep basa aıtty. Al taý alystaǵan saıyn bıikteı túsedi. Nurtas Ondasynovtyń juldyzy ýaqyt ótken saıyn jarqyraı bermek. Osy mekteptiń oqýshylary Nurtas Ondasynovtyń atyna laıyqty azamat bolady dep senemin. Barshańyzdy búgingi Bilim kúnimen shyn júrekten quttyqtaımyn. Jańa jetistikter men jańa bastamalaryna sáttilik tileımin», - dedi Mańǵystaý oblysynyń ákimi Eraly Toǵjanov.

Oblys ákimi Aqtaý qalasynyń №5 orta mektebine teledıdardy syıǵa tartty.

Aıta keterligi, qazirgi tańda Mańǵystaý oblysynda 252 mek­tepke deıingi uıymda 33 497 ba­la tár­bıelenýde. Al jańa oqý jylyn­da jalpy oqýshylar sany 128 myńǵa jetse, 16 myń bala mektep tabal­dy­­ryǵyn jańadan attady. Bul ót­ken jylǵy kórsetkishtermen sa­lys­t­yr­ǵanda bala sany 300-400-ge kóbeı­gen­digin kórsetedi. 

Jyl saıynǵy bala sanynyń ósýine baılanysty, mektepterge degen suranys ta kóbeıýde. Sondyqtan bıyl 9 mekteptiń qurylysy bastaldy.

Ótken oqý jylynda mektep bitirýshilerdiń bilim grantyn ıelený sany byltyrǵymen salystyrǵanda eki esege artty. Mektepti «Altyn belgige» bitirgen 128 túlektiń 93% memlekettik grant ıegeri atandy. Aımaqqa qajetti mamandyqtarǵa oblys ákiminiń 50 granty taǵaıyndaldy.