Mańǵystaýda 13 jastaǵy qyzdy zorlaý isine qatysty qylmystyq is qozǵaldy
AQTAÝ. QazAqparat - Munaıly aýdanynyń turǵyny kámeletke tolmaǵan qyzynyń zorlanǵany týraly polıtsııaǵa aryz túsirdi, dep habarlaıdy QazAqparat tilshisi.
Mańǵystaý oblystyq PD baspasóz qyzmetiniń habarlaýynsha, áıel adam 27 qańtarda quqyq qorǵaý organdaryna júginip, 2005 jyly týǵan qyzyn zorlap ketkenin aıtqan.
Atalǵan derek boıynsha QR Qylmystyq kodeksiniń 120-bap, 4-bóligi boıynsha is qozǵalyp, is sotqa deıingi tergeýdiń biryńǵaı tizilimine engizilgen.
«Tergeý isi basqarmadaǵy eń tájirıbeli mamanǵa júkteldi. Barlyq qajetti saraptamalar taǵaıyndaldy. Bul oqıǵa oblys prokýrory men PD basshysynyń jeke qadaǵalaýyna alynǵan» delingen habarlamada.
