Mańǵystaýda 13 myń nurotandyq óz tańdaýyn jasap úlgerdi

AQTAÝ. QazAqparat - Mańǵystaýda «Nur Otan» partııasynyń 13 myńnan astam múshesi praımerızge qatysýshylarǵa daýys berdi. Bul týraly «Nur Otan» partııasy Mańǵystaý oblystyq fılıaly tóraǵasynyń orynbasary málim etti, dep habarlaıdy QazAqparat tilshisi.

Zvıra Esbergenovanyń aıtýynsha, óńirde 315 úmitker baq synaýda.

«Jaqyn arada 315 kandıdattyń ishinen úzdikterdi anyqtaıtyn bolamyz. Daýys berý bastapqy sátten bastap qarqyndy ótip jatyr. Osy sátke deıin oblys kóleminde 13 myńnan asa partııalyq óz tańdaýyn jasap úlgerdi. Bul – júıede tirkelgen barlyq adamnyń 67%-yn quraıdy. Daýys berýdiń alǵashqy kúni «Praımerız» júıesine bir ýaqytta kóp adamnyń kirýine baılanysty júıege artyq salmaq tústi. Bul jalpy protsesti baıaýlatyp, suranystardyń óńdeý ýaqytyn ulǵaıtady. Qazir «Praımerız» júıesiniń jumysy bir qalypqa tústi. Partııalastardyń barlyǵy daýys bere alady, tehnıkalyq máseleler sheshildi»,-dedi ol.