Mańǵystaýda 13 myń bótelke araq-sharap tárkilendi

AQTAÝ. QazAqparat – Aqtaýda qala shetinen 13 myń bótelkeden astam araq-sharap tárkilendi. Bul týraly MO Memlekettik kirister departamentiniń baspasóz qyzmeti málimdedi, dep habarlaıdy QazAqparat tilshisi.

MO Kirister departamenti men Ekonomıkalyq tergeý departamentiniń qyzmetkerleri birigip júrgizgen operatsııa nátıjesinde zańsyz alkogoldi sýsyndar saqtaǵan qoımany tapqan.

Ońaı oljany kózdegender qoımalardyń birinde spırttik ishimdikterdi qoldan jasaǵan. Osylaısha, qymbat araq-sharapty satýǵa shyǵarmaq bolǵan. Aldyn-ala málimet boıynsha, taýarlardyń baǵasy 3 mln. teńgeden asyp jyǵylady.

«Jınaqtalǵan materıal ári qaraı ekonomıkalyq tergeý departamentine joldandy» dep habarlady MO Memlekettik kirister departamentiniń baspasóz qyzmeti.