Mańǵystaýda 119 máslıhat depýtaty óz tańdaýyn jasap jatyr

AQTAÝ. QazAqparat - Mańǵystaýdaǵy saılaý ýchaskesinde oblystyq, qalalyq jáne aýdandyq máslıhattardyń depýtattary jınaldy. Búgin 119 depýtat óz tańdaýyn jasaıdy, dep habarlaıdy QazAqparat tilshisi.

Mańǵystaýdan Senat depýtattyǵyna úsh kandıdat úmitker. Úsheýi de Aqtaý qalasynyń turǵyndary. Parlamenttiń joǵarǵy palatasyna saılaý Aqtaý qalasyndaǵy «Dostyq úıi» ǵımaratynda ótip jatyr. Daýys berýge oblys máslıhattarynyń barlyq deńgeıdegi 119 depýtaty jınaldy.

«Kandıdatqa zor senim artyp otyrmyz. Elge, óńirdiń ekonomıkalyq-áleýmettik damýyna, árbir strategııalyq jospary aıasynda qyzmet etedi degen senimdemiz. Respýblıkalyq deńgeıde zań shyǵarý, zańdardy tolyqtyrý baǵytynda jumystar júrgizedi degen senimmen óz tańdaýymdy jasadym, daýys berdim,» - dedi Mańǵystaý oblystyq máslıhatynyń depýtaty Jańbyrbaı Mataev.

Jalpy Mańǵystaý oblysy boıynsha barlyǵy 7 adamnan ótinish túsken. Onyń ishinde 6 adam ózin ózi usynǵan. Qujattarynyń durystyǵyna qaraı 3 úmitker tirkelgen.

Aıta ketsek, búgin elimizde Parlament Senatynyń depýtattaryn saılaý ótkiizlýde.

Al Senat depýtattyǵyna kandıdattardyń tolyq tizimimen myna silteme boıynsha ótip, tanysýǵa bolady.