Mańǵystaýda 11 jasar qyz eki ápkesin pyshaqtap tastady

AQTAÝ.QazAqparat – Mańǵystaýda 11 jasar qyz uıqysyrap júrip (aıkezbelik) 12 jáne 19 jastaǵy eki ápkesin pyshaqtap tastady, dep habarlaıdy QazAqparat tilshisi.

Oqıǵa 14 sáýirde saǵat 04:30 shamasynda Aqshuqyr aýylyndaǵy úılerdiń birinde bolǵan.

11 jasar kámeletke tolmaǵan qyz apalaryn as úı pyshaǵymen jaraqattaǵan.

«Zardap shekkender aýrýhanaǵa jetkizildi. Bireýi medıtsınalyq kómek kórsetkennen keıin úıine jiberildi, ekinshisi áli aýrýhanada.

Bul fakt QR Qylmystyq kodeksiniń 106-babynyń 2-bóligi boıynsha tirkeldi. Tergeý júrgizilip jatyr», - dedi Mańǵystaý oblystyq polıtsııa departamentiniń baspasóz hatshysy Áıgerim Ibatýllaeva.

Ózge aqparattar tergeý múddesi úshin jarııa etilmeıdi.