Mańǵystaýda 100-den asa adam shaqyryp, toı jasaǵan turǵyn jazalandy

MAŃǴYSTAÝ. QazAqparat –Mańǵystaý oblysy Qaraqııa aýdanynyń turǵyny óz úıiniń aýlasynda úılený toıyn ótkizgen, dep habarlaıdy QazAqparat Polisia.kz saıtyna silteme jasap.

Belgili bolǵandaı, saltanatty sharaǵa 100-den astam adam jınalǵan. Aımaqtyń bas sanıtarlyq dárigeriniń qatań shekteý sharalaryn engizý týraly qaýlysyna sáıkes, adamdar kóp jınalatyn mundaı sharalarǵa tyıym salynǵan.

Karantın talaptaryn buzǵan úı ıesine qatysty QR Ákimshilik quqyq buzýshylyqtar týraly kodekstiń 462-baby boıynsha ákimshilik hattama toltyryldy. Jınalǵan materıal protsessýaldyq sheshim qabyldanýy úshin aýdandyq sotqa jiberildi.

Mańǵystaý polıtsııasy turǵyndar men qonaqtardy karantın sharalaryn qatań saqtaýǵa shaqyrady.