Mańǵystaýda 1-synypqa 16 myńnan asa bala qabyldandy

AQTAÝ. QazAqparat - Mańǵystaý oblysynda aldaǵy oqý jylynda 1-synypqa 20030 bala qabyldaý josparlanǵan. Ázirge mektepterge 16628 bala qabyldandy. Bul týraly Mańǵystaý oblystyq bilim basqarmasy basshysynyń orynbasary Gúlmıra Mamaeva málim etti, - dep habarlaıdy QazAqparat tilshisi.

«Qazirgi tańda 16 628 bala (83,0%) 1-synypqa qabyldandy. Onyń ishinde 14 844 bala qazaq synyptaryna oqýǵa ótinish tastaǵan. Qujattar elektrondy túrde egov.kz elektrondyq úkimet portaly arqyly qabyldanyp jatyr», - dedi Gúlmıra Mamaeva.

Mańǵystaý oblysynda balalardy 1-synypqa qabyldaý 2022 jyldyń 1 tamyzyna deıin júrgiziledi.

Aıta keteıik, 1-synypqa qabyldaý úshin portalǵa kelesi qujattardy tapsyrý kerek:

1) Ata-analardyń nemese basqa zańdy ókilderdiń 1-qosymshasynyń nysanyna sáıkes ótinish;

2) «Densaýlyq saqtaý uıymdarynyń bastapqy medıtsınalyq qujattama nysandaryn bekitý týraly» Qazaqstan Respýblıkasy Densaýlyq saqtaý mınıstriniń mindetin atqarýshynyń 2020 jylǵy 30 qazandaǵy № QR DSM-175/2020 buıryǵymen(Normatıvtik quqyqtyq aktilerdi memlekettik tirkeý tiziliminde № 148139 bolyp tirkelgen) bekitilgen № 065/ý nysandy densaýlyq jaǵdaıy týraly anyqtama jáne «Bala densaýlyǵy pasporty» 026/ý-3 esep nysany, Qazaqstan Respýblıkasynyń Densaýlyq saqtaý mınıstriniń mindetin atqarýshynyń 2003 jylǵy 24 maýsymdaǵy № 469 buıryǵymen bekitilgen № 026/ý-3 nysan(Normatıvtik quqyqtyq aktilerdi memlekettik tirkeý tiziliminde № 2423 bolyp tirkelgen);