Mańǵystaý jastary kirpish qalaý, sylaý, tamaq pisirýden saıysqa túsip jatyr
AQTAÝ. QazAqparat - Mańǵystaý oblysynda «Worldskills Kazakhstan» jarysynyń óńirlik kezeńi bastaldy. Oǵan aımaqtaǵy kolledjderden 250 stýdent qatysýda, dep habarlaıdy QazAqparat tilshisi.
Tehnıkalyq jáne kásiptik bilim berý uıymdarynda oqıtyn jastar 3 kún boıy túrli synaqtan ótip, ózara myqtyny anyqtaıdy. Olar kirpish qalaý, maılaý, sylaý, dánekerleý, tamaq pisirý, kıim tigý jáne avtokólik jóndeý syndy kásipter boıynsha saıysqa túsedi. Stýdent-jastardyń jumysyn 300-den asa sarapshy baǵalaıtyn bolady.
Chempıonattyń basty maqsaty - jumysshy mamandyǵyn dáriptep, jastardyń qyzyǵýshylyǵyn arttyrý.
«Búginnen bastap Worldskills Aktaý óńirlik chempıonaty ótkizilýde. Jabylý saltanaty - 5 sáýirde. Chempıonat bizdiń óńirde 5-inshi ret uıymdastyrylyp otyr. Barlyǵy 19 alańda ótedi. Olardyń arasynda Aqtaý qalasy, Jańaózen qalasy, Qaraqııa aýdany bar. Bizdiń qatysýshy stýdentterimizge sáttilik tileımiz», - deıdi Mańǵystaý oblystyq Bilim basqarmasy basshysynyń orynbasary Gúlmıra Mamaeva.
