Mańǵystaý jastary Almaty men Astanaǵa da barýy qajet - Prezıdent

AQTAÝ. QazAqparat – Mańǵystaý óńiriniń jastary óziniń biliktiligin arttyrýǵa nemese jumysqa ornalasý úshin basqa aımaqtarǵa, Almaty men Astanaǵa da barýy qajet. Tek bir jerde, bir óńirde ǵana tuıyqtalyp qalýǵa bolmaıdy. Bul týraly QR Prezıdenti Qasym-Jomart Toqaev Mańǵystaý oblysy jurtshylyǵymen kezdesýinde málim etti.

«Óńir jastary elimizdi órkendetý úshin tyń bastamalar usynyp, ony júzege asyrýǵa daıyn. Osy rette, oblystaǵy jastar resýrstyq ortalyqtaryna zor jaýapkershilik júkteledi. Daryndy jáne belsendi jastardyń óz áleýetin júzege asyrýyna jaǵdaı jasaýymyz kerek. Budan bólek, óńir jastary óziniń biliktiligin arttyrýǵa nemese jumysqa ornalasý úshin basqa aımaqtarǵa, Almaty men Astanaǵa da barýy qajet. Tek bir jerde, bir óńirde ǵana tuıyqtalyp qalýǵa bolmaıdy. Úkimet osy máseleler boıynsha oblysqa qoldaý kórsetýge tıis», - dedi QR Prezıdenti.