Mańǵystaý jáne Qostanaı oblystarynda aýa raıyna baılanysty eskertý jarııalandy
NUR-SULTAN. QazAqparat - Mańǵystaý jáne Qostanaı oblystarynda aýa raıyna baılanysty eskertý jarııalandy, dep habarlaıdy QazAqparat «Qazgıdromet» RMK-ǵa silteme jasap.
25 sáýirde Mańǵystaý oblysynyń keı jerlerine naızaǵaı oınap, túnde jáne tańerteń tuman túsedi. Aqtaý qalasynda 25 sáýirde túnde jáne tańerteń tuman túsedi. Daýyldyń yqtımaldyǵy 90-95%.
25 sáýirde Qostanaı oblysynyń keı jerlerine tuman túsip, naızaǵaı oınaıdy. Soltústik-batystan jel soǵady, onyń kúshi 15-20 m/s-ke jetýi múmkin.
26-27 sáýir kúnderi túnde keı jerlerge tuman túsip, kóktaıǵaq bolady. 26 sáýir kúndiz keı jerlerde naızaǵaı oınaıdy. Soltústik-shyǵystan soǵatyn jel ońtústik-batysqa aýysady, onyń kúshi 15-20, keı jerlerde 25 m/s-ke jetedi.
Qostanaı qalasynda 25 sáýir kúndiz soltústik-batystan jel soǵyp, onyń jyldamdyǵy 15-20 m/s bolýy múmkin. 26-27 sáýirde soltústik-shyǵystan soǵatyn jeldiń baǵyty ońtústik-batysqa aýysyp, onyń ekpini 15-20 m/s bolady.
Daýyldyń yqtımaldyǵy 90-95%.
