Mańǵystaý jáne Qaraǵandy oblystarynyń shalǵaıdaǵy aýyldarynyń turǵyndaryna tegin dárigerlik kómek kórsetiledi
ASTANA. QazAqparat - 7-13 shilde aralyǵynda Mańǵystaý jáne Qaraǵandy oblystarynyń shalǵaıdaǵy aýyldarynyń turǵyndary áleýmettik-mańyzdy aýrýlar boıynsha tegin dárigerlik kómek ala alady, dep habarlady QR Densaýlyq saqtaý jáne áleýmettik damý mınıstrliginiń baspasóz qyzmeti.
«Densaýlyq joly-2015» respýblıkalyq aktsııasy aýqymynda 7-10 shilde kúnderi jyljymaly medıtsınalyq keshender Mańǵystaý oblysynyń Munaıly jáne Beıneý aýdandaryndaǵy shalǵaı aýyldarǵa shyǵady, onda turǵyndar tegin skrınıngtik qaraýdan ótedi jáne áleýmettik-mańyzdy aýrýlar boıynsha medıtsınalyq kómek alady.
13 shildede quramynda terapevter, kardıologtar, hırýrgter, pedıatrlar, gınekologtar, oftalmologtar, stomatologtar jáne zerthanalyq-dıagnostıkalyq qyzmet (ÝDZ, EKG, rentgen) mamandary bar utqyr toptyń Qaraǵandy oblysyndaǵy Aqtoǵaı aýdanyna shyǵýy uıymdastyrylady. Aldyn ala qaralý men konsýltatsııalyq-dıagnostıkalyq kómek kórsetýdi júrgizý úshin oǵan Qaraǵandy, Jezqazǵan jáne Balqash qalalary emhanalarynan dárigerler tartylady.
Aqtoǵaı aýdanynan keıin 4 jyljymaly medıtsınalyq keshen Buqar jyraý jáne Qarqaraly aýdandaryna jol tartady.
Eske sala keteıik, aǵymdaǵy jylǵy 1 shildeden 31 tamyzǵa deıin búkil respýblıka boıynsha keń aýqymdy «Densaýlyq joly-2015» aktsııasy ótedi, onyń maqsaty - aýyl halqyna salaýatty ómir saltyn qalyptastyrý jáne áleýmettik-mańyzdy aýrýlardyń aldyn alý máselelerinde aqparattyq-bilim berý jáne praktıkalyq kómek kórsetý bolmaq.
