Mańǵystaý týý kórsetkishi boıynsha respýblıkada kósh bastap tur
Óńirde densaýlyq salasy jaqsy kórsetkishpen damyp keledi. Máselen, bıyl ana ólimi 3%-ǵa tómendep otyr. Ómir súrý uzaqtyǵy 74,5 jasqa jetken. Jalpy, ólim kórsetkishi 2,6%-ǵa kemidi. 10-ǵa jýyq ozyq tehnologııamen jabdyqtalǵan jeke menshik medıtsınalyq nysandar ashyldy. 2019 jyly óńirde 82 myńnan astam adam aýrýhanada emdelip shyqqan, 5 myń naýqasqa ota jasalǵan. Naýqastyń tez saýyǵýyna múmkindik beretin túrli ádister paıda boldy. Mańǵystaýlyq hırýrgter júrek, búırek, ókpe, asqazanǵa kúrdeli otalardy jasaýdy meńgerdi. Oblystyq aýrýhanadaǵy bir ǵana endoskopııa bóliminde 1 jylda 2 myń adamǵa ota istelip, syrqatynan aıyqty.
«Osy 2 myń operatsııanyń ishinde negizgisi endoskopııalyq jolmen istelýde. Operatsııa sany da jyl saıyn artyp jatyr. Bizdiń bólimde kezekke adamdar 1 aı buryn jazylady. Respýblıka ishinde eń úlken kórsetkish deýge bolady», - deıdi vıdeoendoskopııalyq hırýrgııa bóliminiń meńgerýshisi Talǵat Muqantaev.
Aldaǵy ýaqytta oblystyq aýrýhanada ishki aǵzalardy aýystyrý otalaryn jasaýdy josparlaıdy. Budan bólek, dári-dármek máselesi de tıimdi sheshilgen. Óńirde bıyl 3 mlrd teńgege jýyq qarajatqa 60 myń naýqas tegin em-dom qabyldaǵan.
Densaýlyq saqtaý salasynda másele de joq emes. Sonyń biri densaýlyq saqtaý nysandaryn salý. Ekinshi másele mamandar tapshylyǵy áli de baıqalady.
«Maman tapshylyǵynyń basty sebebi, kadrlar jekemenshik medıtsınalyq mekemelerge aýysýda. 240 maman jetispeıdi. Jalpy tájirıbelik dáriger, nevropotolog, psıhıator, aıasy tar sala mamandary jetispeıdi. Mamandardy tartý úshin bir másele – olardy baspanamen qamtý», - deıdi Mańǵystaý oblystyq Densaýlyq saqtaý basqarmasynyń basshysy Ánýar Álimjanov.