Mańǵystaý týrıstik nysandary 5,5 myń týrısti qabyldaýǵa daıyn
AQTAÝ. QazAqparat - Mańǵystaý oblysynyń týrıstik nysandary bıyl 5,5 myń týrısti qabyldaýǵa daıyn, dep habarlaıdy «QazAqparat» HAA tilshisi.
Mańǵystaý oblysyndaǵy óńirdegi jalǵyz akvaparky bar iri týrıstik demalys bazasyna birinshi bolyp «Speshıal Olımpıks Qazaqstan» qoǵamdyq birlestiginiń oblystyq bólimshesiniń balalary men oblystyq otbasy úlgisindegi balalar aýylynyń tárbıelenýshileri bardy.
«Jaz maýsymyndaǵy bizdiń mindetimiz - senderdiń teńiz jaǵasynda, jazǵy saýyqtyrý lagerlerinde demalyp, kúsh jınap, óz densaýlyqtaryńdy retke keltirýlerińe jaǵdaı jasaý bolyp tabylady. Senderdiń elimizdiń aıbyndy azamattary bolyp er jetip, erteń Otanymyz - Qazaqstannyń gúldenýi men órkendeýi jolynda aǵa býynnyń jolyn jalǵastyratyndaryńa senimdimin», - dedi Mańǵystaý oblysynyń ákimi Eraly Toǵjanov alǵashqy kelýshilerge.
Mańǵystaý oblystyq týrızm basqarmasy basshysynyń orynbasary Gúlmıra Súıeýova atap ótkendeı, óńirde Kaspıı jaǵalaýynda ornalasqan 6 jazǵy lager bar.
