Mańǵystaý turǵynynan 84 keli marıhýana tárkilendi
MAŃǴYSTAÝ. QazAqparat - Mańǵystaý oblysy ІІD EBQKB qyzmetkerleriniń jedel-izdestirý sharasy barysynda ustalǵan er adamnyń úıinen 83 kg 582 gramm bolatyn esirtki zaty tárkilendi, dep habarlaıdy QazAqparat tilshisi.
Obystyq ІІD baspasóz qyzmetiniń habarlaýynsha, esirtki bıznesine qarsy kúres basqarmasynyń qyzmetkerleri Túpqaraǵan aýdanynyń Saıyn Shapaǵatov selosyndaǵy salynyp bitpegen úıdiń janynda kúdikti er kisini ustaǵan.
Mamandar jedel-izdestirý sharasy barysynda «Chak» qyzmettik ıtin operatsııaǵa paıdalanǵan.
Tintý barysynda odan «marıhýana» esirtki zaty salynǵan sirińke qorapshasy men qurylysy aıaqtalmaǵan úıde azamatqa tıesili 3 jasyl qaptaǵy jalpy salmaǵy 83 kg 582 gramm bolatyn marıhýana tárkilengen.
Mańǵystaý oblysy ІІD Tergeý basqarmasy bul derek boıynsha QR QK-niń 296-babynyń 4-tarmaǵymen sotqa deıingi tergeý amaldaryn jalǵastyrýda. Qazirgi tańda kúdikti QR Qylmystyq is júrgizý kodeksiniń 128-babyna sáıkes Aqtaý qalasyndaǵy Ýaqytsha ustaý abaqtysyna qamaldy.
