Mańǵystaý turǵynynan 200 keliden astam bekire balyǵy tárkilendi
Quqyq buzýshyny jedel-izdestirý sharalary barysynda oblystyq krımınaldyq polıtsııa basqarmasynyń qyzmetkerleri ustady.
Bul týraly Mańǵystaý oblystyq polıtsııa departamentiniń baspasóz qyzmeti habarlady.
Tekserý barysynda kúdiktiniń «Lada Priora» markaly avtokóliginiń salonynan jalpy salmaǵy 215 keli bolatyn 52 bekire tuqymdas balyq tabylyp, tárkilendi.
«Tárkilengen balyq «Qazaq bekire ǵylymı-óndiristik kásiporny» jaýapkershiligi shekteýli seriktestigine berildi. Fakti boıynsha QR QK 339-babynyń 3-bóligi boıynsha sotqa deıingi tergeý bastaldy. Ózge aqparat tergeý múddesinde jarııa etilmeıdi. Qylmystyq is boıynsha tergeý jalǵasyp jatyr. Kúdiktige qatysty túpkilikti sheshim kinásiniń dárejesin anyqtaý arqyly qabyldanady», - delingen oblystyq polıtsııa departamentiniń baspasóz qyzmeti taratqan aqparatta.