Mańǵystaý turǵynynan 200-deı kıik múıizi tabyldy
AQTAÝ. QazAqparat – Mańǵystaý oblysy Beıneý aýdanynda 198 dana kıik múıizin saqtaǵan turǵyn ustaldy, dep habarlaıdy QazAqparat tilshisi.
41 jastaǵy er adam múıizderdi Beıneý aýdany Aqjigit aýylynda óz úıiniń qorasynda saqtaǵan.
«18 tamyzda Beıneý aýdandyq polıtsııa qyzmetkerlerimen birge josparǵa saı «Kıik» jedel profılaktıkalyq is-sharasyn ótkizý kezinde beıneýlik turǵynnan 2 qapqa salynǵan 198 dana kıik múıizi tabyldy. Ol múıizderdi satyp alǵanyn aıtyp otyr», - dedi «Qyzylsaı» memlekettik óńirlik tabıǵı parkiniń dırektory Myńbergen Qarataýov.
Atalǵan fakt tirkelip, qylmystyq is qozǵalǵan.
