Mańǵystaý turǵyny óz kóliginde gazǵa ýlanyp kóz jumdy

AQTAÝ. QazAqparat – Mańǵystaý oblysynyń Beki aýylynda eki jigit kólikte uıyqtap qalyp, bireýi gazǵa ýlanyp qaıtys boldy, dep habarlaıdy QazAqparat tilshisi.

Oqıǵa 2023 jyldyń 28 qańtarynda saǵat 14:10 shamasynda oryn alǵan.

«Toyota Prado» markaly kólikte 38 jáne 40 jastaǵy er adamdar uıyqtap qalǵan. 38 jastaǵy jigittiń denesi zorlyq belgilerinsiz tabyldy» dep málim etti Mańǵystaý oblystyq polıtsııa departamentiniń baspasóz qyzmeti.

Ekinshi jigit aýrýhanaǵa jetkizildi.

Bul fakt Mańǵystaý aýdanynyń polıtsııa bólimine tirkeldi. Qazirgi ýaqytta polıtsııa oqıǵanyń búkil mán-jaıyn anyqtap jatyr.

Tártip saqshylary avtokólik júrgizýshilerin qaýipsizdik sharalaryn umytpaýǵa shaqyrady jáne onyń aldyn alý úshin avtomobıldiń gaz shyǵarý júıesiniń durystyǵyn tekserip otyrý qajettigin eskertedi.