Mańǵystaý turǵyndarynyń 6%-y ataýly áleýmettik kómek alady

AQTAÝ. QazAqparat – Mańǵystaý oblysy halqynyń 6%-y ataýly áleýmettik kómek alýshylar qatarynda, dep habarlaıdy QazAqparat tilshisi.

MO Jumyspen qamtýdy úılestirý jáne áleýmettik baǵdarlamalar basqarmasynyń basshysy Qýanysh Berishbaevtyń aıtýynsha, óńirde 707 742 adam turady. Onyń 6%-y ataýly áleýmettik kómekke zárý. Onyń ishinde Munaıly aýdany boıynsha kedeıshilik sheginen tómen ómir súretinder sany 11%, Beıneý aýdany boıynsha - 10%. Mańǵystaý aýdany boıynsha - 7%-dy qurap otyr.

«Biz buǵan deıin de aıtyp júrmiz, ataýly áleýmettik kómek alatyndardy turaqty jumysqa ornalastyryp, sondaı-aq, kásipkerlikpen aınalysý úshin birjolǵy tólemder berý arqyly kedeıshilik sheginen shyǵaryp jiberý sharalaryn alýymyz kerek»,-deıdi Qýanysh Berishbaev.