Mańǵystaý turǵyndaryn elektr qýatymen qamtamasyz etý úshin «QazAzot» jumysyn toqtatady

AQTAÝ. QazAqparat - Qazaqstan Respýblıkasy Energetıka mınıstrligi men Mańǵystaý oblysy basshylyǵynyń elektr jáne «QazAzot» aktsıonerlik qoǵamy halyqty qoldaý maqsatynda stansanyń jumysyn toqtatyp, elektr energııasyn beredi.

Bul týraly «QazAzot» AQ baspasóz qyzmetinen málim etti, dep habarlaıdy QazAqparat tilshisi.

«Óńirdegi elektr energııasynyń qazirgi tapshylyǵyn eskergen «QazAzot» basshylyǵy elektr qýatyn turmystyq tutynýshylarǵa baǵyttaý týraly sheshim qabyldady. Qazir «QazAzot» AQ zaýyty jelige 24 MVt/saǵ elektr energııasyn óndirip jatyr. Óndiris tolyq toqtatylǵannan keıin elektr energııasyn jelige shyǵarý 29÷30 MVt/saǵ deıin artady», - delingen baspasóz málimetinde.

Óndiristi toqtatý kezeń-kezeńimen oryndalady. Keshe, 13 tamyzda zaýytta keshendi mıneraldy tyńaıtqyshtar tsehynyń jumysyn toqtatý bastaldy. Búgin túnde, 14 tamyzda kúrdeli mıneraldy tyńaıtqyshtar zaýyty, álsiz azot qyshqyly tsehy jáne ammıak óndirisi toqtatylady.

Osyǵan deıin Mańǵystaý oblysynda eldi mekender kezeń-kezeńimen elektr energııasynan ajyratylatynyn jazǵan bolatynbyz.

Sondaı-aq MAEK-tegi apatqa baılanysy Mańǵystaý oblysynda tótenshe jaǵdaı engizilgeli jatyr.