Mańǵystaý turǵyndary saryshaıan shaqty dep shaǵymdanyp jatyr

AQTAÝ. QazAqparat - Mańǵystaý oblystyq Jedel járdem jáne jedel medıtsınalyq járdem qyzmetine Beıneý aýdanynyń turǵyndarynan saryshaıan shaqty degen úsh shaǵym tústi, dep habarlaıdy QazAqparat tilshisi.

Mańǵystaý oblystyq Densaýlyq saqtaý basqarmasy baspasóz qyzmetiniń málimetinshe, 16 jáne 17 jastaǵy qyz bala men 62 jastaǵy er adam shaıan shaqqan. Olardyń barlyǵyna alǵashqy medıtsınalyq kómek kórsetilgen.

«Aýrýhanaǵa jatqyzýdyń qajeti bolǵan joq. Alǵashqy medıtsınalyq kómek kórsetildi. Odan ári olarǵa turǵylyqty jeri boıynsha dárigerden keńes alý usynyldy. Saryshaıandar negizinen túngi ýaqytta, ásirese tańǵa qaraı shabýyl jasaıdy», - delingen habarlamada.

Aıta ketý kerek, sońǵy eki kúnde shaıannan 10 adam zardap shekti. Onyń ishinde Beıneý aýdanynyń alty turǵyny bar.