Mańǵystaý turǵyndary daladan aqqý taýyp aldy
Qustardy orman sharýashylyǵy jáne janýarlar álemi ınspektsııasynyń mamandaryna berdi. Bul týraly oqıǵanyń kýágeri Azamat Isqalıev aıtyp berdi, dep habarlaıdy QazAqparat lada.kz silteme jasap.
Kútpegen qonaqtardy búgin, 20 tamyzda taýyp alǵan.
Temirjol qyzmetkerleri Boranqul aýylynyń mańynda eki aqqýdy tapqan. Er adamdar qustarǵa sý berip, olardy taıaý mańdaǵy sýǵa jetkizý úshin jergilikti atqarýshy organdarmen baılanysqan.
Mańǵystaý oblystyq orman sharýashylyǵy jáne janýarlar álemi aýmaqtyq ınspektsııasy ań aýlaý sharýashylyǵy bóliminiń basshysy Turǵanbaı Shapaǵatovtyń aıtýynsha, oqıǵa ornyna vedomstvo mamandary barǵan.
«Qustardy veterınarlar teksergennen keıin Qarakól kóline alyp barady», - dep túsindirdi Turǵanbaı Shapaǵatov.
