Mańǵystaý stomatologııalyq ortalyǵynda 33 mıllıon teńgege tomograf ornatyldy
ASTANA. QazAqparat - Germanııada shyǵarylǵan Sirona GALILEOS kompıýterlik tomografy stomatologııa salasynda júz paıyzdyq tekseris ótkizýge múmkindik beredi. Apparattyń quny 33 mln teńgeden asady. Qurylǵy óńir kompanııalarynyń biriniń qarajatyna satyp alynǵan, dep habarlaıdy Lada.kz.
Ortalyq dırektory Qýat Mashyryqovtyń aıtýynsha, dárigerler dıagnostıka ótkizý barysynda tek 40 paıyzdy qamtyp kórsetetin rentgenniń kómegine júgingen.
«Stomatologııalyq ortalyqtyń dárigerleri áldeqaıda jaqsy kórinetin, úsh ólshemdi sýretpen jumys jasaı alatyn boldy. Bul stomatologııalyq emdi tıimdirek ótkizýge kómektesip, ortalyqtyń múmkindikterin ulǵaıta túsedi. Tekseriletin músheniń kishkentaı bóliginen sáýle ótkizilip, zertteý jasalady. Nátıjesinde sáýlelendirý deńgeıi tómen, múmkindigi joǵary úsh ólshemdi sýretti kóremiz. Atalmysh zertteý hırýrgııalyq otalar (tis ımplantatsııasy) kezinde asa mańyzdy. 18 jasqa deıingi balalar tegin qabyldanady», - dedi Qýat Mashyryqov.
Qurylǵyny Ortalyq dárigerleri oqýdan ótken soń qazan aıynda iske qosý josparlanǵan.
Qýat Mashyryqovtyń aıtýynsha, ortalyqqa kún saıyn qalanyń 600-ge jýyq turǵyny keledi eken. Balalardyń 75-80% tisjegiden zardap shegetin bolyp shyqty.
