Mańǵystaý polıtseıleri 900 keliden astam bekire etin tárkiledi
AQTAÝ. QazAqparat - Balyqtar Mańǵystaý oblysy Túpqaraǵan aýdany Saıyn Shapaǵatov aýylyndaǵy úılerdiń birinen tabyldy, dep habarlaıdy QazAqparat lada.kz saıtyna silteme jasap.
Jalpy salmaǵy 971 kelini quraıtyn bekire tuqymdas balyqtardy tabıǵatty qorǵaý polıtsııasynyń qyzmetkerleri taýyp, 6 mamyrda 18:00-de tárkiledi.
«224 bekire etin Saıyn Shapaǵatov aýylyndaǵy úılerdiń birin tekserý kezinde taptyq. Bul fakti Túpqaraǵan aýdandyq polıtsııa bólimi sotqa deıingi tergeýdiń biryńǵaı reestrine QR Qylmystyq kodeksiniń 339-baby boıynsha tirkeldi. Sotqa deıingi tergeý júrip jatyr», - dep habarlady Mańǵystaý oblystyq PD baspasóz qyzmetinen.
