Mańǵystaý oblysynyń turǵyny jumysynda esirtki saýdasymen aınalysqan

AQTAÝ. QazAqparat – Mańǵystaý oblysy Munaıly aýdanynyń turǵyny ózi jumys isteıtin avtosalonda marıhýana satqan, dep habarlaıdy QazAqparat tilshisi.

Oblystyq polıtsııa departamentiniń baspasóz qyzmeti habarlaýynsha, 58 jastaǵy kúdikti er adam ustaldy.

«Polıtsııa qyzmetkerleri jedel-izdestirý is-sharasyn júrgizý kezinde esirtki salynǵan birneshe túıinshekti tapty. Qazirgi tańda sotqa deıingi tergeý bastaldy. Kúdiktiniń kinási dáleldense, ol 5 jyldan 10 jylǵa deıingi merzimge bas bostandyǵynan aıyrylýy múmkin», - delingen habarlamada.

Aıta keteıik, buǵan deıin óńirdegi esirtki qylmysyna qarsy is-qımyl basqarmasynyń qyzmetkerleri esirtki qylmysynyń 493 faktisin anyqtap, esirtki satatyn 72 saıtty buǵattaǵan. Sondaı-aq, esirtki zattaryn satý boıynsha ınternet resýrstardy jarnamalaıtyn 40 graffıtı joıylǵan.