Mańǵystaý oblysynyń sheneýnigine jerdi zańsyz taratty degen kúdikke ilindi
«Mańǵystaý oblysynyń Sybaılas jemqorlyqqa qarsy qyzmeti Túpqaraǵan aýdandyq jer qatynastary bólimi basshysynyń mindetin atqarýshyǵa qatysty qyzmettik jalǵandyq jasady degen kúdikpen sotqa deıingi tergeýdi bastady», - dedi QR Sybaılas jemqorlyqqa qarsy is-qımyl agenttiginen.
Ol is júzinde ótpegen jer komıssııasynyń hattamasynan jalǵan úzindi kóshirmelerdi berý jolymen, jerdi satý boıynsha saýda-sattyq (konkýrstar, aýktsıondar) ótkizbeı nemese jalǵa alý quqyǵynsyz ýchaskelerdi berip kelgen. Oǵan jalpy somasy 62 mln teńgege 22 jeke jáne zańdy tulǵaǵa jer ýchaskelerin taratty degen aıyp taǵylyp otyr.
«Sotqa deıingi tergeý jalǵasýda. Kúdiktige qatysty onyń kinálilik dárejesin anyqtaýmen túpkilikti sheshimdi sot shyǵarady», - dep qosty vedomstvodan.
