Mańǵystaý oblysynyń prokýrorlary quny 145 mln teńgeden asatyn kásiporyndy memleketke qaıtardy

ASTANA. QazAqparat - Mańǵystaý oblysynyń prokýrorlary quny 145 mln teńgeden asatyn «Mańǵystaý oblystyq teri-venerologııalyq dıspanseri» kommýnaldyq kásipornyn memleketke qaıtardy, dep habarlaıdy QazAqparat QR Bas prokýratýrasynyń baspasóz qyzmetine silteme jasap.

Baspasóz qyzmetiniń málimetterine qaraǵanda, buǵan deıin kásiporyn Úkimettiń Densaýlyq saqtaý obektilerin memleket ıeliginen shyǵarýǵa salynǵan tıymyna qaramastan, keıinnen satyp alý quqyǵymen 5 jyl merzimge «Qaraqııa ońaltý ortalyǵy» JShS-ǵa senimgerlik basqarýǵa berilgen bolatyn.

Búgingi tańda senimgerlik basqarýǵa berý sharty buzylyp, múlik qaıtadan memlekettiń basqarýyna qaıtaryldy.

Budan basqa, elordalyq prokýratýra memleket granttar túrinde bólgen aqshany qaıtarý jóninde sharalar qabyldady.

Máselen, Ǵylym qory 2017-2019 jyldar aralyǵynda «Flow System» JShS-ǵa ǵylymı-tehnıkalyq qyzmet nátıjelerin kommertsııalandyrýǵa 259 mln. teńge somasynda grant bergen.

Alaıda grant alýshy Ǵylym qory aldyndaǵy mindettemelerin oryndamaı, jobany iske asyrmaǵan.

Osyǵan baılanysty prokýratýra sotqa talap aryz engizdi. Nátıjesinde sot jaýapkerden memleket paıdasyna 259 mln. teńge óndirdi.