Mańǵystaý oblysynyń Munaıly aýdanyna 11 jedel járdem kóligi jetkizildi

AQTAÝ. QazAqparat - Mańǵystaý oblysy jedel járdem stansasynyń Munaıly aýdanyndaǵy bólimshesine 11 jańa kóliktiń kiltteri tabystaldy, dep habarlaıdy QazAqparat tilshisi.

Bul kólikter óte yńǵaıly, zaman talabyna saı, arnaıy jabdyqtarmen qamtylǵan. Atap aıtqanda, qosymsha reanımatsııalyq baǵyttaǵy, ıaǵnı ınsýlt alǵandarǵa, júrek talmasyna shaldyqqandarǵa jyldam kómek kórsetý múmkindigi qarastyrylǵan. Bul, medıtsına mamandarynyń ýaqytyn únemdeýge múmkindik beredi. Onyń ústine aýdan halqynyń sany kún sanap ósip keledi.