Mańǵystaý oblysynyń ınfektsııalyq statsıonarlarynda 58 naýqas jatyr
AQTAÝ. QazAqparat – Mańǵystaý oblysynda 13 qazandaǵy jaǵdaıǵa sáıkes, I-II deńgeıli ınfektsııalyq statsıonarlarda 58 adam em qabyldap jatyr, dep habarlaıdy QazAqparat tilshisi oblystyń kommýnıkatsııa ortalyǵyna silteme jasap.
Oblystyń Densaýlyq saqtaý basqarmasynyń málimetinshe, 58 naýqastyń 9-ynda koronavırýsqa tapsyrǵan synama oń nátıje kórsetken. Budan bólek, jansaqtaý bóliminde 3 naýqas jatyr.
Oblys kóleminde 215 І-ІІ satyly ınfektsııalyq tósek-oryn bar. Sondaı-aq, reanımatsııalyq tósek sany – 43.
«COVID-19» indetine shaldyqpaǵany týraly anyqtamasyz shetelden kelgen Qazaqstan Respýblıkasynyń azamattary men shetel azamattaryna arnalǵan karantındik statsıonarlarda barlyǵy 270 tósek-oryn bar. Qazir ol jerde 3 adam PTR-testiniń qorytyndysyn kútýde.
Al, búgin oblystyń bas sanıtar dárigeri Ǵazız Nadýev Mańǵystaý oblysynda koronavırýsqa shaldyqqandar sany artatyn bolsa, karantın talaptary kúsheıtiletinin málim etti.
