Mańǵystaý oblysynyń «EKSPO-2017» kórmesi aıasynda ótetin sharalary
ASTANA-AQTAÝ. QazAqparat - 15-18 tamyz kúnderi «EKSPO-2017» kórmesi aıasynda Mańǵystaý oblysynyń kúnderi ótedi. Bul týraly brıfıngte oblystyq QHA hatshylyǵynyń meńgerýshisi Gúljan Ismýrzına málimdedi.
Sol kúnderi kórmege kelýshiler kıeli óńirdiń ədebıetimen, tarıhı-mədenı qundylyqtarymen, rýhanı murasymen tanysady.
Etnografııalyq teatrlandyrylǵan mádenı shara kórsetilimi 17 tamyzda ótedi, munda ulttyq oıyndar nasıhattalady.
Kongress-hollda A.Taraquly atyndaǵy ulttyq aspaptar orkestriniń qatysýymen M.Óskinbaev atyndaǵy oblystyq fılarmonııa ujymynyń kontserti ótedi.
«Shyńyraý» spektakli 18 tamyzda M.Gorkıı atyndaǵy memlekettik akademııalyq teatrynda kórsetiledi. Mańǵystaý oblysynyń mádenıet kúnderi aıasynda osy óńirdiń ulttyq naqyshtaǵy zergerlik buıymdary tanystyrylady. Sondaı-aq, ulttyq taǵamdar men zergerlik áshekeı buıymdardyń etnografııalyq kórmesi ótkiziledi.
Budan bólek, etnoaýylda ulttyq oıyndar uıymdastyrylady.
«Mańǵystaýdyń mádenıeti men mentalıtetine saı barlyq qasıeti men bolmysyn osy kúnderi tanyp bilýge bolady. Sharada estrada ánshilerimen qatar, dástúrli klassıkalyq án oryndaýshylary da ónerlerin ortaǵa salady. Óz shyǵarmashylyǵyn Mańǵystaý óńirinen bastaǵan Aıgúl Qosanova, Luqpan Joldasov, Tamara Asar, Kámshat Joldybaeva syndy belgili ánshiler án shyrqaıtyn bolady. Barlyǵy 40-qa jýyq shara ótkiziledi», - deıdi Gúljan Ismýrzına.
Aıta keteıik, «Ekspo-2017» halyqaralyq kórmesinde Mańǵystaýdyń mədenıet kúnderin ótkizýge oblys bıýdjetinen 220 mıllıon teńge shamasynda qarjy bólindi.
