Mańǵystaý oblysynyń bas sanıtar dárigeriniń jańa qaýlysy shyqty

NUR-SULTAN. QazAqparat – Mańǵystaý oblysynyń bas memlekettik sanıtar dárigeri Ǵazız Nadýev jańa qaýlyǵa qol qoıdy, dep habarlaıdy QazAqparat tilshisi.

Qujatta Mańǵystaý oblys «qyzyl» aımaqta bolýyna baılanysty iske asyrylatyn qadamdar qamtylǵan.

Qaýlyda sporttyq-saýyqtyrý ortalyqtaryna, fıtnes-ortalyqtarǵa, monshalarǵa, saýnalarǵa, basseınderge 2022 jylǵy 15 qańtardan bastap Ashyq jobasynda «jasyl» mártebesi bar adamdarǵa ǵana kirýdi qamtamasyz etý eskerilgen.

Sonymen qatar, Ashyq jobasyna qatysýyna qaramastan tyıym salý myna nysandarda eskerilgen:

- kontsert zaldarynyń, teatrlardyń, tsırkterdiń qyzmetine;

- dinı birlestikter nysandarynda (meshitter, shirkeýler, soborlar, sınagogalar) ujymdyq is-sharalar ótkizýge;

- konferentsııalar, semınarlar, kórmeler, forýmdar ótkizýge;

- túngi klýbtardyń jumysyna.

Sonymen qatar qujatta mektep oqýshylaryn oqytý rejımine qatysty túsinik berilgen.

Qaýlynyń tolyq nusqasyn Mańǵystaý oblysynyń sanıtarııalyq-epıdemıologııalyq baqylaý departamentiniń saıtynda qarap shyǵýǵa bolady.