Mańǵystaý oblysynyń ákimi máslıhat depýtattary aldynda esep berdi

Oblys ákiminiń baspasóz qyzmetiniń habarlaýynsha, 6 aıdyń qorytyndysy boıynsha Mańǵystaý oblysynyń áleýmettik-ekonomıkalyq damýynyń negizgi kórsetkishteri turaqty. Búginde aımaq halyq sanynyń ósýi boıynsha ekinshi orynda. Jyl saıynǵy ósim 3%-dy qurap, búgingi tańda oblys turǵyndarynyń sany 634 myń adam boldy.Ónerkásip óniminiń kólemi 875 mlrd teńgeni, al naqty kólem ındeksi 97,6%-dy qurady. Soǵan qaramastan, oblysymyz respýblıkada óndirilgen ónimniń 11%-yn qamtamasyz etti. Munaı óndirý kólemi 9 mln tonnany qurady, bul ótken jyldyń osyndaı kezeńimen salystyrǵanda 315 myń tonnaǵa az. 1,4 mln sharshy metr gaz óndirilip, ósim 14%-dy qurady. Aǵymdaǵy jylda óndirý kólemi 17%-ǵa ósip, 60 mlrd teńgeni qurady. Bul ósimdi «Caspian Offshore and Marine Construction», «ERSAI», «GMMOS Kazahstan», «Kazazot» jáne «Stekloplastıkalyq qubyrlar zaýyty» sııaqty kásiporyndar qamtamasyz etti.

Osy jyly Beıneý aýdanynyń Tólep aýylynda 40 oryndyq balabaqsha,  Beıneý aýylynda sý tazartý ǵımaraty men aýylishilik sý qubyry, 4 páterli turǵyn úı jáne aýylishilik joldar qurylysy júrip jatyr. Jańa oqý jylynda Beıneýde 900 oryndyq mektep paıdalanýǵa beriledi.  «Syńǵyrlaý-Sam-Noǵaıty-Turysh» tas joldaryn qalpyna keltirý jumystary aıaqtalýǵa jaqyn.

Qaraqııa aýdanynyń bıýdjet kólemi 12 mlrd teńge. Aýdanda birneshe iri jobalar iske asyrylýda. Sonyń ishinde, Bolashaq stansasynda 2 páterli 5  turǵyn úı qurylysy, Quryq jáne Bostan aýyldaryndaǵy jańadan salynǵan turǵyn úılerge elektr jáne gaz jelilerin tartý; 4 birlik káriz tazalaý toraptaryn ornatý; aýdan ortalyǵynda 550 oryndyq jumysshylar jataqhanasynyń jáne Jetibaı aýylynda aýylishilik avtomobıl joly men 280 oryndyq balabaqsha qurylys jumystary júrgizilip jatyr.

Jyl basynan beri Mańǵystaý aýdanynda 65 oryndyq 1 balabaqsha qoldanysqa berildi. Ońdy, Aqshymyraý, Jarmysh, Tuşyqudyq, Jyńǵyldy aýyldarynda 4 páterlik turǵyn úı jáne Jarmysh aýylynda drenaj qurylysy aıaqtalyp qaldy.

Shaıyr, Saıótes aýyldarynda aýylishilik avtomobıl joly qurylysy jáne «Shetpe-Qyzan» joly qurylysy boıynsha aýqymdy jumystar jalǵasyp jatyr.

Túpqaraǵan aýdanynyń bıýdjeti sońǵy 3 jylda 2 esege ósip 9 mlrd teńgeni qurady. І jartyjyldyqta 150 oryndyq 3 balabaqsha iske qosyldy. Aýdannyń Saıyn Shapaǵatov jáne Aqshuqyr aýyldary qarqyndy damýda. Osy aýyldarda jańadan salynǵan turǵyn úılerdi elektr jáne gazben qamtý, aýylishilik sý qubyry men rezervýar, sondaı-aq aýylishilik jol qurylysy jumystary iske asyrylyp jatyr.

Tabıǵı ósim men mıgratsııa esebinen Munaıly aýdany qarqyndy damýda. Mektepterde úsh aýysymdy oqytýdy joıý jumystary jalǵasyp jatyr. Búgingi tańda bul másele aýdan ákimdigi tarapynan bos oryndary bar mektepterge avtobýstarmen balalardy jetkizý arqyly sheshilip keledi. Bıyl aýdan boıynsha 1-shi synypqa 3200 bala barady. Ústimizdegi jyly Munaıly aýdanynda birqatar jobalar júzege asyrylady. Atap aıtsaq, Batyr aýylynyń «Emir» shaǵynaýdanynda úılerdiń ınjenerlik jelileri; Mańǵystaý, Batyr, Atameken, Basqudyq jáne Baıandy-3 aýyldaryn ortalyqtandyrylǵan sýmen jáne gazben qamtý jumystary; Qyzyltóbe, Jańa Dáýlet, Batyr, Mańǵystaý, Baıandy aýyldarynda aýylishilik jol jáne Mańǵystaý aýylynda 10 avtonomdy jylý qazandyǵynyń qurylys jumystary júrgiziledi.

Jańaózen qalasyn damytýdyń Keshendi josparyn iske asyrý jumystary jalǵasyp jatyr. Osy baǵdarlamanyń iske asyrylýynan bastap, qarjylandyrýdyń barlyq kózderi esebinen qalany damytýǵa 49 mlrd.tenge baǵyttaldy. Nátıjesinde qalada jáne oǵan qarasty eldi mekenderinde jańa áleýmettik jáne ınjenerlik ınfraqurylymdar salyndy. Jylý, sý, gaz, elektr jelileri jańartylyp, birtindep avtomobıl joldary salynyp jatyr. Jyl saıyn jańadan salynǵan sport jáne aýla alańdarynyń sany artyp keledi.

Oblystyq máslıhat depýttary aımaqtyń áleýmettik-ekonomıkalyq damýynyń 2016 jyldyń 1-shi jartyjyldyǵynyń qorytyndysyna  oń baǵa berdi.