Mańǵystaý oblysynyń ákimi boksshy Á.Nııazymbetovke páter men sheteldik kóliktiń kiltin tabys etti
TANA. 15 qazan. QazAqparat - Mańǵystaý oblysynyń ákimi Qyrymbek Kósherbaev bokstan álem chempıonatynyń kúmis júldegeri Ádilbek Nııazymbetovke Aqtaý qalasynan 2 bólmeli páterdiń jáne «Chevrolet Cruze» kóliginiń kiltin tabys etti,
dep habarlady ákimdiktiń baspasóz qyzmetinen.
Óńir basshysy bylǵary qolǵap sheberiniń sport jolyndaǵy iri jeńisimen quttyqtap, Londonda ótetin Olımpıada oıyndarynda altyn medal alýyna tilektes ekendigin bildirdi. «Sportty damytý jáne mańǵystaýlyqtardyń basym bóligin dene tárbıesimen aınalysýǵa tartý oblys ákimdiginiń basymdyqty mindetteriniń biri. Ádilbek Nııazymbetovtiń bokstaǵy búgingi jeńisi týǵan eliniń aldyndaǵy zor maqtanysh qana emes, sonymen qatar jastar arasynda salaýatty ómir saltyn nasıhattaýdyń jarqyn úlgisi. Ádilbektiń jarqyn jeńisi kópshilikti jańa sporttyq jetistikterge jeteleıdi», - dedi Q.Kósherbaev.
Sonymen qatar shara barysynda oblys ákimi Á.Nııazymbetovtiń ata-anasy men jattyqtyrýshysy Marat Jakıevti quttyqtady.
