Mańǵystaý oblysynyń ákimi Belgııanyń Qazaqstandaǵy elshisimen kezdesti

AQTAÝ. QazAqparat - Mańǵystaý oblysynyń ákimi Serikbaı Trumov Belgııa Koroldiginiń Qazaqstan Respýblıkasyndaǵy Elshisi Aleksı de Krombrıýghe myrzany qabyldady, dep habarlaıdy QazAqparat tilshisi.

Kezdesý barysynda taraptar eki eldiń arasyndaǵy yntymaqtastyq qarym-qatynasty odan ári damytý joldaryn talqylady.

Aıta keteıik, Mańǵystaý oblysy men Belgııa Koroldigi arasyndaǵy syrtqy saýda aınalymy 506,29 mln. AQSh dollaryn qurap otyr.

Aımaq basshysy óńirdiń damý qarqyny týraly aıtyp, logıstıka, týrızm, aýyl sharýashylyǵy jáne energetıka salasy boıynsha jobalardy qabyldap, olardy «Aqtaý teńiz porty» erkin ekonomıkalyq aımaǵynda ornalastyrýǵa bolatynyn jetkizdi.