Mańǵystaý oblysyndaǵy túıelerge belgisiz aýrý juqty
Mańǵystaý oblysynyń veterınarııa basqarmasynyń jáne Mańǵystaý oblystyq aýmaqtyq ınspektsııasynyń derekteri boıynsha QR AShM Veterınarııalyq baqylaý jáne qadaǵalaý komıtetine byltyrǵy jyldyń qyrkúıek aıynan jeltoqsan aıyna deıingi aralyqta túıe sheshegine kúdik týǵany habarlama kelip tústi. Qyrkúıek aıynda - 6 túıe, qazan aıynda - 3 túıe, jeltoqsan aıynda - 5 túıede osy aýrýdyń belgisi baıqalǵan.
Epızootologııalyq tekserý jáne synama alý úshin «Veterınarııa boıynsha ulttyq referenttik ortalyq» RMM qyzmetkerleri birneshe ret jiberildi.
Ortalyqtyń hattamalyq synaqtaryna sáıkes qyrkúıek jáne qazan aılarynda alynǵan bıologııalyq synamalar – teris nátıje kórsetken.
Jeltoqsanda túıelerden qosymsha synama alynyp «Respýblıkalyq veterınarııalyq zerthana» RMK-niń Mańǵystaý oblystyq fılıalyna jiberildi, ulttyq referenttik ortalyqqa qaıta joldanady.
Aýrý maldyń arasynda ólim joq, klınıkalyq belgisi boıynsha túıeniń sheshegi degen kúdik alynyp tastalady.
Sonymen qatar, monıtorıng júrgizý barysynda 2019 jyldyń 16-21 qazany aralyǵynda zertteý maqsatynda qosymsha 45 túıeden (Mańǵystaý aýdany - 6 bas, Qaraqııa aýdany - 33 bas, Jańaózen - 6 bas) bıologııalyq materıal tańdalyp alyndy.
Asa qaýipti aýrýlardy boldyrmaý úshin «VBURO» RMK júrgizgen zerthanalyq zertteýlerdiń nátıjelerine sáıkes, onyń ishinde aýsyl, pasterellez, lısterıoz, aqshelek (qarabez), týberkýlez jáne sheshek aýrýlaryna júrgizgen zerthanalyq zertteýdiń nátıjesi teris bolyp shyqty. Nátıjeler komıtettiń Mańǵystaý oblystyq aýmaqtyq ınspektsııasyna jiberildi.
Qalyptasqan jaǵdaıdy egjeı-tegjeıli zertteý úshin Mańǵystaý oblysyna 2020 jyldyń 3 qańtarynda komıtettiń, «VBURO» RMK, «Respýblıkalyq veterınarııalyq zerthana» RMK ókilderiniń «Qazaq ǵylymı-zertteý mal dárigerlik ınstıtýty» JShS jetekshi ǵalymdarynyń barýy josparlanǵan.
Mańǵystaý oblysynyń veterınarııa qyzmeti tarapynan turaqty negizde halyq arasynda veterınarııa salasyndaǵy máseleler boıynsha túsindirý jumystary júrgizilip jatqanyn atap ótý qajet. 2019 jyly aýdandyq jáne qalalyq ınspektsııalar túsindirý jumystary men semınar ótkizdi - 308, onyń ishinde aýyl sharýashylyǵy janýarlary aýrýlary boıynsha – 23 shara uıymdastyrylǵan.
Aımaqtyń epızootııalyq jaǵdaıy Mańǵystaý oblysynyń veterınarııalyq qyzmetiniń baqylaýynda. 2019 jyldyń 26 jeltoqsanyndaǵy jaǵdaı boıynsha AJJ bazasynda Mańǵystaý oblysyndaǵy jalpy sany 69 022 túıe tirkelgen.
Onyń ishinde aýdandar boıynsha: Mańǵystaý - 23 258 bas; Beıneý - 19 605 bas; Qaraqııa - 11 478 bas; Túpqaraǵan – 7 212 bas; Munaıly - 4 995 bas; Aqtaý qalasy - 178 bas; Jańaózen qalasy - 2 296 bas.
