Mańǵystaý oblysyndaǵy Tártiptik keńeste 5 qyzmetshige qatysty ister qaraldy
ASTANA. 31 jeltoqsan. QazAqparat - Mańǵystaý oblysyndaǵy Tártiptik keńestiń kezekti májilisi ótti.
«Májilis barysynda Qazaqstan Respýblıkasy «Sybaılas jemqorlyqqa qarsy kúres týraly» Zańynyń jáne memlekettik qyzmetshilerdiń Ar-namys Kodeksiniń talaptaryn buzý faktileri boıynsha 5 qyzmetshige qatysty tártiptik ister qaraldy»,-delingen QR Memlekettik qyzmet isteri agenttiginiń málimetinde.
Atap aıtqanda olardyń ishinde:
- «Jańaózen qalalyq jer qatynastary bólimi» memlekettik mekemesi basshysynyń mindetin atqarýshy S.Qaırbaevqa qatysty qozǵalǵan tártiptik is;
- «Qazaqstan Respýblıkasy Aýyl sharýashylyǵy mınıstrliginiń veterınarııalyq baqylaý jáne qadaǵalaý komıteti Jańaózen qalalyq aýmaqtyq ınspektsııasy» memlekettik mekemesiniń basshysy B.Nurjaýovqa jáne osy Inspektsııanyń memlekettik veterınarııalyq - sanıtarlyq ısnpektorlary Ǵ.Sáýlebaeva men B.Erjanovaǵa qatysty qozǵalǵan tártiptik is;
- «Atyraý jáne Mańǵystaý oblystary boıynsha «Kaspıı» óńiraralyq kóliktik baqylaý ınspektsııasynyń fılıaly memlekettik mekemesiniń bólim basshysy A.Sarbasovqa qatysty qozǵalǵan tártiptik ister bar.
Tártiptik keńes májilisiniń qorytyndysy boıynsha Tártip keńes músheleri tártiptik jaza qoldaný týraly ókimine ózgeris engizý úshin Jańaózen qalasy ákimine usynystardy baǵyttaý sheshimin jasady.
3 qyzmetkerge qatysty derekter qosymsha tekserý júrgizý úshin Jańaózen qalalyq prokýratýrasyna jiberildi, sondaı-aq 1 qyzmetkerge qatysty tártiptik jaza qoldaný merzimi ótip ketýine baılanysty tártiptik isti qysqartý týraly sheshimder qabyldandy.
