Mańǵystaý oblysyndaǵy munaı qaldyqtaryn tastaıtyn polıgon tekseriletin boldy
Bul týraly Mańǵystaý oblystyq Ekologııa departamentiniń baspasóz qyzmeti málim etti, dep habarlaıdy QazAqparat Lada saıtyna silteme jasap.
Saıt keltirgen málimetterge qaraǵanda, osyǵan deıin Jetibaı aýyly mańyndaǵy polıgonnyń sýretteri jarııalanǵan. Onda joıylýy tıis munaı qaldyqtary men ózge de qoqystardyń jatqany kórinip tur.
Óńirdiń Ekologııa departamentiniń ókilderi atalǵan nysannnyń ıesine qatysty málimetterdi anyqtaýǵa kiriskendigin aıtty. Polıgonnyń ıesi anyqtalysymen oǵan tekserý júrgiziledi.
«Belgilengen talap boıynsha, tıisti sharalar qabyldanady. Departamenttiń óńirlik ókildiginiń qyzmetkerleri Qaraqııa aýdanyndaǵy Jetibaı aýylyna baryp, jaǵdaıdy kórdi. Qosymsha aqparattar keshirek jaııalanady»,-dep habarlady oblystyq Ekologııa departamentiniń baspasóz qyzmeti.