Mańǵystaý oblysyndaǵy kúrejoldardyń boıyna 100 shaqyrymdyq elektr qorshaýy ornatyldy

AQTAÝ. QazAqparat - Jolshylar Mańǵystaý oblysyndaǵy respýblıkalyq mańyzy bar kúre joldardyń boıyna elektr qorshaýyn ornatty, dep habarlaıdy QazAqparat.

QazAvtoJoldyń málimetinshe, bul shara úı janýarlarynyń qatysýymen bolatyn jol-kólik kólik oqıǵalarynyń aldyn alýǵa baǵyttalǵan. Qurylǵy jol-kólik oqıǵalary jıi tirkelgen ýchaskelerge ornatyldy.

Jalpy uzyndyǵy 100 shaqyrymdy quraıtyn elektr qorshaýy:

«Dossor-Qulsary-Beıneý-Saıótes-Shetpe-Jetibaı-Aqtaý» tasjolynda (Beki aýylynan Jetibaı aýylyna deıingi ýchaskede)

«Jetibaı-Jańaózen-Kendirli-Túrikmenstan shekarasy» tasjolynda (Jetibaı aýylynan Jańaózen qalasyna deıingi ýchaskede) ornatyldy.

Bul jol ýchaskeleriniń tańdalý sebebi olardyń qasynda sharýa jáne fermer qojalyqtary bar.

«Alaıda bul qurylǵylardy buzyp nemese múldem urlap alyp ketken jaǵdaılar da tirkelip otyr. Mańǵystaý oblystyq fılıaly turaqty negizde elektr qorshaýynyń zaqymdaný faktilerine jol bermeý týraly túsindirý jumystaryn júrgizýde. Kúndelikti joldardy baqylaý jumysy aıasynda jolshylar osy faktilerdi anyqtap, qorshaýlardy qalpyna keltirýde», - dep atap ótti mamandar.