Mańǵystaý oblysyndaǵy ken oryndarynda tehnologııalyq qondyrǵylar toqtap tur

ATYRAÝ. QazAqparat – Mańǵystaý oblysyndaǵy ken oryndarynda elektr energııasyn shekteý áli joıylǵan joq. Soǵan baılanysty tehnologııalyq qondyrǵy toqtap tur, dep habarlaıdy QazAqparat tilshisi «QazMunaıGaz» kompanııasyna silteme jasap, «Mańǵystaýmunaıgaz» AQ-nyń ken oryndarynda elektr energııasynyń jıyntyq shekteý tolyq joıylmaǵan.

«2023 jylǵy 4 shildedegi saǵat 13:00-de «Mańǵystaýmunaıgaz» AQ ken oryndaryndaǵy jaǵdaı tómendegideı: Qalamqas ken ornynyń óndiristik nysandary úshin elektr energııasyn jıyntyq shekteý 40 MVt-tyń 5-in quraıdy. Jetibaı ken ornynda 32 MVt-tyń 13-in qurap otyr. Shekteýge baılanysty birneshe tehnologııalyq qondyrǵy toqtap tur», -dep habarlady kompanııanyń baspasóz qyzmeti.

Máselen, «Qalamqasmunaıgaz» ÓB-de qabat qysymyn ustap turýǵa arnalǵan 23 sorǵy agregaty bar. Onyń 3-eýi toqtap tur.

Al, «Jetibaımunaıgaz» ÓB-degi osyndaı 12 agregattyń 10-y áli iske qosylmaǵan. Munda 1182 uńǵyma bar. Onyń ishinde 519 uńǵymanyń jumysy toqtatylǵan.

«Bıylǵy jyly «MAEK» JShS tarapynan 29 apattyq sóndirý nemese elektr energııasyn berýdi shekteý jaǵdaıy boldy. Osyǵan baılanysty munaı óndirýdiń tikeleı shyǵyny 15 myń tonnadan astamdy qurady», -dep atap kompanııadan.

Eske sala ketelik, budan buryn elektr qýatynyń joqtyǵynan Atyraý munaı óńdeý zaýyty jumysyn toqtatýǵa májbúr boldy.

Zaýyttyń qoǵammen baılanys bóliminiń málimetinshe, elektr jelisindegi aqaýdyń saldarynan qondyrǵylardyń jumysy apattyq jaǵdaıda toqtatylǵan.

«Atyraý munaı óńdeý zaýyty 3 shilde kúni jergilikti ýaqytpen saǵat 17:25-te jumysyn toqtatty. Buǵan «KEGOC» AQ tarapynan elektr energııasynyń óshirilýi sebep boldy», -dep málim etti qoǵammen baılanys bóliminen.

Keıin atyraýlyqtar nelikten jaryqsyz qalǵany aıtyldy.

Al, Mańǵystaý atom elektr kombınaty 1-energııa blogynda jóndeý jumysy bastalatynyn jazǵan bolatynbyz.