Mańǵystaý oblysyndaǵy aýylda karerler qorshaǵan ortaǵa qyrýar zalal keltirgen

Osyǵan baılanysty olardyń birqataryna 1 mln. 338 myń teńge kóleminde ákimshilik aıyppul salyndy, dep habarlaıdy QazAqparat tilshisi.

Bul týraly Mańǵystaý oblystyq ekologııa departamentiniń basshysy Rýslan Tókenov málimdedi.

Shań basqan Shetpe. Aq tútek qum. Karerlerdiń zardabyn tartqan turǵyndar. Bul 15 jyldan beri beri sheshimin tappaı kelge jatqan másele bolatyn. 30-ǵa jýyq mekeme tynym tappastan qurylys tastaryn óndirý jónindegi qyzmetin júzege asyrdy, odan daıyn ónim-qıyrshyq tas alady. Alaıda, keıbir kásiporyndar aýanyń sapasyn nasharlatty.

Óndirý, jarylys, túsirý-tıeý jumystary jáne olardy tasymaldaý kezinde aýyldy jıi shańdatady. Osylaısha, jaqyn ornalasqan karerlerdiń sanıtarlyq-qorǵaý aımaǵyna zerthanalyq jumystar júrgizilgen bolatyn. Jospardan tys tekserý nátıjesinde ekologııa departamenti óreskel zańbuzýshylyqtardy anyqtady.

«TAS» , «DIS» , «Baı-Beg» , «Temırtas-1» , «Aıan Aqtaý» , «Nura», «MKDSM» sııaqty kompanııalardyń jumysyna júrgizilgen tekseris nátıjesinde memlekettik ekologııalyq saraptama jáne ekologııalyq ruqsatsyz qyzmetti júzege asyrý, tıisti shań-tozańdy jáne qondyrǵylardy engizý jónindegi jobalyq sheshimderdiń oryndalmaýy anyqtalǵan. Osy mekemelerge ekologııalyq zańbuzýshylyqtardy joıǵanǵa deıin olardyń keıbiriniń qyzmetterin toqtata turý týraly sotqa aryz joldandy. Qazirgi ýaqytta sot protsesteri júrip jatyr»,-deıdi Rýslan Tókenov.

Osylaısha, oblys ákimdigi mekemelerge barlyq usaqtaý-suryptaý qondyrǵylaryn Shetpe aýylynan 10 shaqyrym qashyqtyqta ornalastyrýdy tapsyrdy. «ShetpeTas» jáne «Seıdalıev» mekemeleri jer qoınaýyn paıdalanýǵa kelisimsharttyń qoldanylýy bir jaqty tártipte toqtatyldy.