Mańǵystaý oblysynda jumystan shyǵarylǵan qyzmetkerlerden qyzmetke qamtý týraly 100-den astam ótinim tústi - Ó.Shókeev
ASTANA. 28 jeltoqsan. QazAqparat - /Rýslan Ǵabbasov/ - Mańǵystaý oblysynda jumystan shyǵarylǵan qyzmetkerlerdi qyzmetke qamtý týraly 100-den astam ótinim tústi.
Bul týraly búgin Úkimet otyrysynda Aqtaýdan selektorlyq keńes arqyly baılanysqan «Samuryq-Qazyna» ulttyq ál-aýqat qorynyń basqarma tóraǵasy Ómirzaq Shókeev málim etti.
«Jumystan shyǵarylǵan qyzmetkerlerdi eńbekpen qamtý jumystary júrgizilip jatyr. Bul turǵyda ahýal ońtaılandy. Biz olarmen birqatar kezdesýler ótkizdik» , - dep atap ótti Ó. Shókeev. Sonymen qatar ol qazirgi kezde atalǵan azamattardan jumysqa turý týraly 104 ótinim túskenin jetkizdi. «Ózenmunaıgaz» boıynsha - 23, al «Qarajambasmunaı» boıynsha - 81 ótinim kelip tústi. Atap aıtqanda, bul turǵydaǵy jaǵdaı ońtaıly ózgerdi», - dedi Ó. Shókeev.
