Mańǵystaý oblysynda jumyrtqa baǵasy qymbattady
Bul týraly óńirdiń qoǵamdyq kommýnıkatsııa ortalyǵynda ótken brıfıngide Mańǵystaý oblysy kásipkerlik jáne saýda basqarmasynyń basshysy Janna Toqbaeva málim etti.
«Óńirde 10 dana jumyrtqa baǵasy 380 teńgeden 400 teńgege deıin qymbattady. Jumyrtqa baǵasynyń ósiýine baılanysty tekserý jumysyn júrgizý úshin Mańǵystaý oblysynyń básekelestikti qorǵaý jáne damytý departamentine hat joldandy», - dedi Janna Toqbaeva.
Mańǵystaýda jyl basynda oblysta jumyrtqanyń baǵasy kúrt ósip, 540 teńgege deıin jetken.
Qazirgi tańda basqarma tarapynan azyq-túlik taýarlarynyń baǵasyn turaqtandyrý maqsatynda qajetti is-sharalar júrgizilip jatyr.
Sonymen qatar oblystaǵy iri saýda jelilerimen azyq-túlik baǵasyn tómendetý jáne ustap turý týraly memorandýmdarynyń merzimi uzartyldy.
