Mańǵystaý oblysynda júk kóligi shuńqyrǵa túsip ketti
ASTANA. QazAqparat - Mańǵystaý oblysynyń Prımorskıı kentinde júk kóligi shuńqyrǵa túsip ketti, dep habarlaıdy QazAqparat lada.kz saıtyna silteme jasap.
Oqıǵa «Prımorskıı» kentiniń «Plıajnaıa» kóshesinde boldy. Júk kóligi qum toltyrylǵan shuńqyrǵa túsip ketti. Oqıǵa 20 naýryz kúni saǵat 15-30-da bolǵan. Bul kóshede jumysshylardyń aıtýynsha, asfalt tóselip jatqan.
«Shuńqyrdyń betine beton plıta jabylyp, qum tastalǵan. Júk kóliginiń júrgizýshisi artqa qaraı júremin dep osy jerge túsip ketti. Oqıǵadan zardap shekkender joq. Qazir kólikti shyǵaryp alyp, jumysty jalǵastyramyz»,-deıdi jumysshylar.
Oqıǵa ornyna polıtsııa qyzmetkerleri keldi. Olardyń aıtýynsha, kólik júrgizýshisiniń kinási joq. Óıtkeni jol tártibi buzylmaǵan. Soǵan qaramastan jergilikti turǵyndar jolǵa baılanysty ózderiniń narazylyqtaryn bildirdi.
«Shuńqyrdy birese toltyryp tastaıdy, bires ol qaıtadan paıda bolady. Búıte berse bul jerde qaıǵyly jaǵdaı bolmaı qoımaıdy»,-dep alańdap otyr turǵyndar.
