Mańǵystaý oblysynda jol-kólik apattary eki ese artqan

AQTAÝ. QazAqparat – Mańǵystaý oblysynda jyl basynan beri 287 jol-kólik oqıǵasy boldy. Bul ótken jylmen salystyrǵanda eki ese kóp, dep habarlaıdy QazAqparat tilshisi.

Jol-kólik apaty saldarynan ólim-jitim de artqan. Ótken segiz aıda 52 eresek jáne 10 bala qaza bolǵan.

«Jalpy statıstıkaǵa keletin bolsaq, byltyrǵy jylmen salystyrǵanda adam ólimimen aıaqtalǵan jol-kólik oqıǵalarynyń sany 2 esege kóbeıdi. Onyń ishinde kámelet jasqa tolmaǵan balalar zardap shekken jol apattary 5 esege artyp otyr. Taldaýlar barysynda anyqtalǵan barlyq kemshilikter, quqyq buzýshylyqtar boıynsha prokýratýranyń qadaǵalaý aktisi engiziletin bolady», - dedi Mańǵystaý oblysy prokýratýrasy Qoǵamdyq múddelerdi qorǵaý basqarmasynyń basshysy Mergen Meńdiǵalıev jol qozǵalysy qaýipsizdigin qamtamasyz etý jónindegi úılestirý keńesinde.