Mańǵystaý oblysynda jol apatynan bir adam qaza taýyp, tórteýi aýrýhanaǵa tústi
AQTAÝ. QazAqparat – Mańǵystaý oblysynda jol-kólik oqıǵasynan bir adam qaza taýyp, tórteýi aýrýhanaǵa jetkizildi. Bul týraly Mańǵystaý oblystyq aýrýhanasynyń baspasóz qyzmetinen málim etti, dep habarlaıdy QazAqparat tilshisi.
«17 qarasha kúni 25-inshi shaǵynaýdanda jol-kólik oqıǵasy boldy. Kólikterde bolǵan 5 adam oblystyq aýrýhananyń qabyldaý bólimine jetkizildi. Onyń bireýi qaıtys boldy. Al ekeýi travmatologııa bólimine jatqyzylyp, eki adam ambýlatorlyq emge jiberildi», - delingen baspasóz málimetinde.
Zardap shekkenderdiń birinde jambasy men buǵanasy synǵan. Onyń jaǵdaıy óte aýyr. Ekinshisiniń tobyǵy synǵan. Naýqastar dárigerlerdiń baqylaýynda.
